पोखरा । जिल्ला प्रहरी कार्यालय कास्कीले लागु औषध ओसार पोसार गर्ने एकजनालाई विहिवार प्रहरीले पक्राउ गरेको छ ।
कास्की जिल्ला पोखरा महानगरपालिका वडा नं १७ छोरेपाटन स्थित लागू औषध नियन्त्रण ब्यूरो शाखा कार्यालय
पोखरा र जिल्ला प्रहरी कार्यालय कास्कीबाट खटिएको प्रहरी टोलीले उनलाई पक्राउ गरेको हो । पक्राउ पर्ने व्यक्ति स्गाङजा आँधिखोला गा पा वडा नं २ मडुवा बस्ने वर्ष ३३का सुभास दर्जी रहेको प्रहरीले जानकारी दिएको छ । स्याङजावाट पोखरा तर्फ आउदै गर्दा शंका लागि प्रहरीले उनलाई चेकजाँच गरेको थियो । सोही क्रममा निजले पछाडी बोक्ने झोलामा लागू औषध डाईजापाम ९९ एम्पुल, फेनेरागन ९५ एम्पुल र नुर्फिन ९८ एम्पुल गरी जम्मा २९२ एम्पुल लागू औषध सहित फेलापारेको थियो । निज दर्जीलाई नियन्त्रणमा लिई कास्की जिल्ला अदालतबाट लागू औषध सम्बन्धी मुद्दामा पन्ध्र दिन म्याद थप गरी अनुसन्धान प्रकृया अगाडी बढाईएको छ ।
